Yirik tadbirkorlik sub’yektlarining SSPga a’zo boʻlishi majburiyligi

2022 yil noyabr oyida Savdo-sanoat palatasiga (SSP) a’zo boʻlish uchun SSPning Navoiy viloyat boshqarmasi bilan oʻzaro shartnoma asosida BHMning 70 baravari miqdorida a’zolik badalini toʻlab berdik, lekin haligacha SSP tomonidan a’zolik guvohnomasi berilmadi. Sababi shundaki, yirik soliq toʻlovchi hisoblanganligimiz uchun BHMning 400 baravari miqdorida a’zolik badalini toʻlashimiz kerak ekan. Oхirgi yillarda SSPga a’zo boʻlib, BHMning 60-70 baravari miqdorida a’zolik badali toʻlab kelganmiz. 2022 yilning noyabridan 2023 yilning oʻtgan davrigacha biron marotaba SSPga murojaat qilishga ehtiyoj boʻlmagan va amalda SSPga a’zo boʻlishga umuman ehtiyoj yoʻq. Bu ortiqcha хarajat. Qolaversa, BHMning 400 baravari miqdorida badalni toʻlash iqtisodiy ahvolimizga salbiy ta’sir koʻrsatadi.