Jismoniy shaxsdan koʻchmas mulk ijaraga olinganda xarajatlarni tan olish

Tashkilotimiz ulgurji va chakana savdo bilan shugʻullanadi. Jismoniy shaxslardan doʻkonlar va ombor uchun xonalarni ijaraga olamiz. Shartnomalarni «Ye-ijara» tizimida roʻyxatdan oʻtkazamiz. JShDS boʻyicha hisobotda daromadlar hisoblanishi va toʻlov manbaida JShDS toʻlanishini koʻrsatamiz. Xarajatlarni Foyda soligʻi hisob-kitobida 0112-«Operativ ijara boʻyicha xarajatlar» satrida chegirib tashlanadigan xarajatlar sifatida koʻrsatamiz. Biroq, jismoniy shaxslar bizga hisobvaraq-fakturalarni taqdim etmasliklari sababli avtokameral tekshiruv (ularning formulasi) bu xarajatlarni hisoblamaydi. Bu boradagi tushuntirishlarimizga qaramay, soliq organi xuddi oʻsha nomuvofiqlik koʻrsatilgan takroriy talabnomani yoʻlladi.