Жисмоний шахсдан кўчмас мулк ижарага олинганда харажатларни тан олиш

Ташкилотимиз улгуржи ва чакана савдо билан шуғулланади. Жисмоний шахслардан дўконлар ва омбор учун хоналарни ижарага оламиз. Шартномаларни «Е-ijara» тизимида рўйхатдан ўтказамиз. ЖШДС бўйича ҳисоботда даромадлар ҳисобланиши ва тўлов манбаида ЖШДС тўланишини кўрсатамиз. Харажатларни Фойда солиғи ҳисоб-китобида 0112-«Оператив ижара бўйича харажатлар» сатрида чегириб ташланадиган харажатлар сифатида кўрсатамиз. Бироқ, жисмоний шахслар бизга ҳисобварақ-фактураларни тақдим этмасликлари сабабли автокамерал текширув (уларнинг формуласи) бу харажатларни ҳисобламайди. Бу борадаги тушунтиришларимизга қарамай, солиқ органи худди ўша номувофиқлик кўрсатилган такрорий талабномани йўллади.