Tovar importida QQSni hisobga olish

Kompaniyamiz (хaridor) bilan mahalliy kompaniya (sotuvchi) oʻrtasida import tovarini CPT Incoterms-2020 shartlarida shartnoma boʻyicha tomonlar birgalikda kelishgan ma’lum t/y stansiyasigacha yetkazib berish shartnomasi tuzilgan. Shartnoma milliy valyutada tuzilgan. Tovarning yetkazib berilishi uchun toʻlovlar toʻlov kunidagi MB kursi boʻyicha soʻmda amalga oshiriladi. Shartnoma shartlariga binoan, ushbu shartnomaning tuzilishi va bajarilishi munosabati bilan barcha soliqlar, bojхona bojlari va boshqa bojlar tovar yetkazib berilgan paytdan boshlab хaridor tomonidan toʻlanishi kerak. Tegishincha, tovarni Oʻzbekiston Respublikasi hududida bojхonada rasmiylashtirish tartib-taomillari hamda IM-40 bojхona rasmiylashtiruvida tovarning importi uchun QQS toʻlash majburiyati kompaniyamiz zimmasiga yuklatiladi. Bunda Oʻzbekiston Respublikasi rezidenti hisoblangan hamda QQS toʻlovchisi sertifikatiga ega boʻlgan sotuvchi bizga tovarni yetkazib berish qiymatiga QQSni hisobga olgan holda elektron hisobvaraq-fakturani taqdim etishi shart. Kompaniyamiz umumbelgilangan soliqlar toʻlovchisi, QQS toʻlovchisi.