Товар импортида ҚҚСни ҳисобга олиш

Компаниямиз (харидор) билан маҳаллий компания (сотувчи) ўртасида импорт товарини CPT Incoterms-2020 шартларида шартнома бўйича томонлар биргаликда келишган маълум т/й станциясигача етказиб бериш шартномаси тузилган. Шартнома миллий валютада тузилган. Товарнинг етказиб берилиши учун тўловлар тўлов кунидаги МБ курси бўйича сўмда амалга оширилади. Шартнома шартларига биноан, ушбу шартноманинг тузилиши ва бажарилиши муносабати билан барча солиқлар, божхона божлари ва бошқа божлар товар етказиб берилган пайтдан бошлаб харидор томонидан тўланиши керак. Тегишинча, товарни Ўзбекистон Республикаси ҳудудида божхонада расмийлаштириш тартиб-таомиллари ҳамда ИМ-40 божхона расмийлаштирувида товарнинг импорти учун ҚҚС тўлаш мажбурияти компаниямиз зиммасига юклатилади. Бунда Ўзбекистон Республикаси резиденти ҳисобланган ҳамда ҚҚС тўловчиси сертификатига эга бўлган сотувчи бизга товарни етказиб бериш қийматига ҚҚСни ҳисобга олган ҳолда электрон ҳисобварақ-фактурани тақдим этиши шарт. Компаниямиз умумбелгиланган солиқлар тўловчиси, ҚҚС тўловчиси.