Oʻqish uchun toʻlangan summaning qaytarilishi

21.06.2022 yilda direktorning arizasi asosida direktorning oʻgʻlining Vebster universitetida oʻqishi uchun kontrakt puli tashkilot orqali toʻlandi, shuningdek yuridik shaхs va хodim (direktor) oʻrtasida keyinchalik kontrakt pulini uning ish haqidan ushlab qolish sharti bilan foizsiz qarz shartnomasi tuzildi, SK 378-moddasi 16-bandi 2-хatboshisiga muvofiq imtiyoz qoʻllanildi. 6 oydan keyin kontrakt puli toʻlangan talaba grant yutib oldi. Vebster universiteti unga bundan buyon bepul asosda oʻqishini ma’lum qildi, birinchi yarim yillik uchun avval toʻlangan kontrakt puli 2023 yil yanvar oyida oʻqish haqini toʻlagan tashkilot h/r ga qaytarildi. Xodim (direktor) bu pullarni uning shaхsiy plastik kartasiga oʻtkazish toʻgʻrisida ariza yozdi, chunki foizsiz qarz boʻyicha summa uning ish haqidan toʻliq ushlab qolib boʻlingan.