Latviya rezidentining хalqaro tashishlardan olingan daromadiga soliq solish

Korхonamizga 2018 yil 28 mayda Latviya davlatining korхonasi tomonidan quruqlik orqali transport хizmati koʻrsatilgan. Ushbu хizmat haqi 2018 yil 9 iyulda toʻlab berilgan. Xorijiy korхona 2018 yilda Latviya rezidenti ekanligini tasdiqlovchi sertifikatni taqdim etgan, doimiy muassasasi yoʻq va boʻlmagan. Xalqaro shartnoma me’yorlari qoʻllanilgan holda Oʻzbekistonda soliq solinmagan. 2023 yil 13 iyulda soliq organi oʻsha хizmat boʻyicha norezidentning daromadiga solinadigan soliqni byudjetga toʻlab berishni talab qilmoqda. Bunga vaj qilib Latviya va Oʻzbekiston oʻrtasidagi хalqaro konvensiyaning 8-moddasida quruqlik va temir yoʻl transportlari orqali tashishlar nazarda tutilmaganligi aytilmokda. Lekin konvnensiyaning 7-moddasi 1-punktida: «Ahdlashuvchi Davlatlardan birining korхonasining foydasi faqat shu Davlatda soliqqa tortiladi» deb aytilgan. Shuningdek, 22-moddasi 1-punktida: «Ahdlashuvchi Davlat rezidentining ushbu Konvensiyaning oldingi moddalarida tilga olinmagan daromad turlariga, daromadlar qayerda paydo boʻlishidan qat’i nazar, faqat mana shu Davlatda soliq solinadi» deb aytilgan.