Bizning tashkilot davlat ulushi ishtirokidagi (davlat ulushi 51%dan ortiq) MChJ hisoblanadi. MChJ 2019 yilda tashkil topgan boʻlib, 2019-2020 yillarda zarar bilan chiqqan, 2021 yilda esa sezilarli sof foydaga erishdi. Lekin avvalgi yillarning qoplanmagan zarari hisobiga dividend e’lon qilish uchun summa kamlik qildi. Lekin 30.12.2021 yildagi OʻRQ-742-son "2022 yil uchun Oʻzbekiston Respublikasining Davlat byudjeti toʻgʻrisida"gi Qonunning 12-moddasida davlat ulushi 50% dan ortiq jamiyatlar 2021 yil sof foydasining kamida 50%miqdorini 2022 yil 1 iyulga qadar byudjetga dividend tarzida oʻtkazib berilishi belgilangan. MChJ toʻgʻrisidagi qonunning 26-moddasiga koʻra, agar sof aktivlarning qiymati ustav fondidan va zaхira fondidan kam boʻlsa, dividend e’lon qilinishi va toʻlanishi mumkin emas.