Бизнинг ташкилот давлат улуши иштирокидаги (давлат улуши 51%дан ортиқ) МЧЖ ҳисобланади. МЧЖ 2019 йилда ташкил топган бўлиб, 2019-2020 йилларда зарар билан чиққан, 2021 йилда эса сезиларли соф фойдага эришди. Лекин аввалги йилларнинг қопланмаган зарари ҳисобига дивиденд эълон қилиш учун сумма камлик қилди. Лекин 30.12.2021 йилдаги ЎРҚ-742-сон "2022 йил учун Ўзбекистон Республикасининг Давлат бюджети тўғрисида"ги Қонуннинг 12-моддасида давлат улуши 50% дан ортиқ жамиятлар 2021 йил соф фойдасининг камида 50%миқдорини 2022 йил 1 июлга қадар бюджетга дивиденд тарзида ўтказиб берилиши белгиланган. МЧЖ тўғрисидаги қонуннинг 26-моддасига кўра, агар соф активларнинг қиймати устав фондидан ва захира фондидан кам бўлса, дивиденд эълон қилиниши ва тўланиши мумкин эмас.