Asosiy vositaga eskirish hisoblash toʻxtatilishi

Korxonaga qarashli fabrikalardan birining faoliyatini avgust oyida toʻxtatib qoʻyganmiz. Lekin hozirgi davrgacha asosiy vositalarga eskirish hisoblab kelmoqdamiz. Investorlar ushbu toʻxtatilgan fabrikani noyabr oyida sotib yuborishga qaror qabul qilishdi va fabrika toʻxtatilgan davrdan (avgust oyidan) asosiy vositalarga hisoblangan eskirish summalarini hisobdan chiqarib, eskirish hisoblashni toʻxtatib qoʻyishni talab qilishmoqda. 5-son BHMS «Asosiy vositalar» 32-bandiga asosan asosiy vositalarni foydali ishlatish muddati davomida amortizatsiya ajratmalarini hisoblash toʻxtatilmaydi, asosiy vositalar qonunchilik hujjatlarida belgilangan tartibda konservatsiyalashga oʻtkazilgan holatlar, shuningdek ularni butkul toʻxtatish sharti bilan ob’yektni qurib bitkazish, toʻliq jihozlash, qayta qurish, zamonaviylashtirish, texnik qayta qurollantirish davri bundan mustasno.