Асосий воситага эскириш ҳисоблаш тўхтатилиши

Корхонага қарашли фабрикалардан бирининг фаолиятини август ойида тўхтатиб қўйганмиз. Лекин ҳозирги давргача асосий воситаларга эскириш ҳисоблаб келмоқдамиз. Инвесторлар ушбу тўхтатилган фабрикани ноябрь ойида сотиб юборишга қарор қабул қилишди ва фабрика тўхтатилган даврдан (август ойидан) асосий воситаларга ҳисобланган эскириш суммаларини ҳисобдан чиқариб, эскириш ҳисоблашни тўхтатиб қўйишни талаб қилишмоқда. 5-сон БҲМС «Асосий воситалар» 32-бандига асосан асосий воситаларни фойдали ишлатиш муддати давомида амортизация ажратмаларини ҳисоблаш тўхтатилмайди, асосий воситалар қонунчилик ҳужжатларида белгиланган тартибда консервациялашга ўтказилган ҳолатлар, шунингдек уларни буткул тўхтатиш шарти билан объектни қуриб битказиш, тўлиқ жиҳозлаш, қайта қуриш, замонавийлаштириш, техник қайта қуроллантириш даври бундан мустасно.