Mol-mulk soligʻini hisoblashda minimal qiymat qaysi maydonga qoʻllanilishi

Jamiyatimizda mulk soligʻini toʻlashda 2022 yildan e’tiboran soliq normativ qiymatdan kelib chiqqan holda hisoblanadi. 2022 yil uchun mulk soligʻi hisoblashda kadastr organlari tomonidan jamiyatimizga qarashli mulkning qurilish osti 15 160,48 kv. m maydonidan kelib chiqqan normativ qiymat qoʻllanilgan. Lekin joriy 2023 yilda kadastr organlarining ma’lumotiga koʻra minimal qiymat qoʻllaniladigan maydon ikki barobarga oshirib 27 563,3 kv. m koʻrsatilmoqda. Kadastr organlariga solik bazasini oʻzgartirish boʻyicha qilgan murojaatlarimiz natija bermayapti. Kadastr ma’lumotiga koʻra jamiyatga karashli binoning umumiy yer maydoni 31 932,83 kv. m, qurilish osti maydoni 15 160,48 kv. m, foydali maydoni 29 997,45 kv. m.