Sotilgan mahsulot tannarxining kamayishini buxgalteriya hisobida aks ettirish

Korxona xom ashyoni import qilib, undan mahsulot ishlab chiqarish bilan shugʻullanadi. Temir yoʻl xizmatini «Oʻzbekiston temir yoʻllari» korxonasi amalga oshiradi, tashish xizmati boʻyicha har oyda EHF joʻnatadi. Korxona tashish xarajatlarini olib kelingan xomashyo tannarxiga kiritadi, natijada bu xarajat mahsulotning ishlab chiqarish tannarxiga kirib ketadi. «Oʻzbekiston temir yoʻllari» korxonasi 2024 yilning mart oyida tashish xizmatlariga chegirma e’lon qildi va chegirmaning amal qilish muddatini 2024 yil 1 yanvardan deb belgilab, koʻrsatilgan xizmatlar qiymatini qayta hisob-kitob qilib, 2024 yilning fevral oyi sanasi bilan qoʻshimcha manfiy EHF taqdim etdi. Ya’ni, bunda fevral uchun xarajat kamaydi, lekin korxona u vaqtda olib kelgan xom ashyodan mahsulot ishlab chiqarib sotib boʻlgan.