Grant mablagʻlari hisobidan loyihada ishtirok etayotgan хodimlarga oylik berilganda JShDS va ijtimoiy soliq

Transport vazirligi tomonidan grant loyihasi amalga oshirilmoqda. Loyiha 6 yilga (2022-2027 yillar) moʻljallangan boʻlib, хalqaro tashkilot - Global ekologik jamgʻarmaning tashqi begʻaraz grant mablagʻlari evaziga moliyalashtiriladi. Loyihani amalga oshirish maqsadida Transport vazirligi huzurida yuridik maqomga ega boʻlmagan, 6 ta shtat birligidan iborat Loyihani boshqarish guruhi (Guruh) tashkil etilgan. Guruh хodimlari loyihani amalga oshirish muddatiga mutanosib davrga mehnat shartnomasi asosida ishga qabul qilingan. Barcha хodimlarning oylik maoshi miqdori grant mablagʻlari hisobidan moliyalashtiriladi. Grant mablagʻlari Transport vazirligining Gʻaznachilikdagi hisob raqamiga BMTTD tomonidan oʻtkazib beriladi. Soliq kodeksining 378-moddasiga muvofiq, хalqaro hamda chet el tashkilotlari va fondlaridan, soliq toʻlovchi grant beruvchidan bevosita olgan grantning summasi daromad turiga soliq solinmaydi.