Bitta AV tarkibida bir nechta mustaqil ob’yekt boʻlsa, ulardan birortasini almashtirish qanday aks ettiriladi

Bizning tashkilot davlat muassasasi hisoblanadi. Faoliyat sohamiz – kuzatuv kameralarini oʻrnatish, ishga tushirish, sozlash, teхnik qoʻllab quvvatlash va uzluksiz ishlashini ta’minlash. Bir dona kuzatuv kamerasi ishlashi uchun ustun (kronteyn), kabel, anker, izolenta, skotch, elektr-energiya hisoblagichi, elektr-energiya hisoblagichi shkafi, UPS (istochnik bespereboynogo pitaniya) va boshqalar kerak boʻladi. Shularni jamlab bitta asosiy vosita sifatida 0100 schyotiga kirim qilmoqchimiz. Jamlab bitta asosiy vosita sifatida kirim qilgandan soʻng bizda odatda bir vazifani bajaruvchi soz holatdagi kuzatuv kamerasi oʻrniga boshqa bir turdagi boshqa bir vazifani bajaruvchi kuzatuv kamerasi oʻrnatiladi, ya’ni bir kamera boshqasiga almashtiriladi. Bunda ustun (kronteyn), elektr-energiya hisoblagichi, elektr-energiya hisoblagichi shkafi, UPS (istochnik bespereboynogo pitaniya) va boshqalar oʻz oʻrnida qoladi.