Transport vazirligi tomonidan grant loyihasi amalga oshirilmoqda. Loyiha хalqaro tashkilot - Global ekologik jamgʻarmaning tashqi begʻaraz grant mablagʻlari evaziga moliyalashtiriladi. Loyiha ish rejasida belgilangan vazifalarni amalga oshirish uchun grant mablagʻlari Transport vazirligining Gʻaznachilikdagi hisob raqamiga Birlashgan Millatlar Tashkiloti Taraqqiyot Dasturi (BMTTD) tomonidan oʻtkazib beriladi. Loyiha doirasida Transport vazirligi hisob raqamiga kelib tushgan grant mablagʻlarini boshqa grant oluvchilarga yoʻnaltirish nazarda tutilgan. Xususan, elektrotransport va yashil shahar transportini rivojlantirishga qaratilgan yoʻnalish boʻyicha oʻquv dasturlarini ishlab chiqishga koʻmaklashish uchun grant mablagʻlari nodavlat oliy ta’lim tashkilotiga (tanlov asosida) yoki NNTga begʻaraz oʻtkazib berilishi kerak. Grant miqdori 600 million soʻm.