Транспорт вазирлиги томонидан грант лойиҳаси амалга оширилмоқда. Лойиҳа халқаро ташкилот - Глобал экологик жамғарманинг ташқи беғараз грант маблағлари эвазига молиялаштирилади. Лойиҳа иш режасида белгиланган вазифаларни амалга ошириш учун грант маблағлари Транспорт вазирлигининг Ғазначиликдаги ҳисоб рақамига Бирлашган Миллатлар Ташкилоти Тараққиёт Дастури (БМТТД) томонидан ўтказиб берилади. Лойиҳа доирасида Транспорт вазирлиги ҳисоб рақамига келиб тушган грант маблағларини бошқа грант олувчиларга йўналтириш назарда тутилган. Хусусан, электротранспорт ва яшил шаҳар транспортини ривожлантиришга қаратилган йўналиш бўйича ўқув дастурларини ишлаб чиқишга кўмаклашиш учун грант маблағлари нодавлат олий таълим ташкилотига (танлов асосида) ёки ННТга беғараз ўтказиб берилиши керак. Грант миқдори 600 миллион сўм.