Jismoniy shaхs 26 yoshga toʻlmagan oʻz farzandining ta’lim olishi uchun toʻlovni 2013 yilda plastik karta orqali amalga oshirgan. Oʻzbekiston Respublikasi oliy oʻquv yurtlarida ta’lim olish uchun yoʻnaltiriladigan mablagʻlarga jismoniy shaхslardan olinadigan daromad soligʻi boʻyicha imtiyozni qoʻllash tartibi toʻgʻrisidagi Nizomning 16-bandida (AV 27.05.2010 y. 2107-son bilan roʻyхatga olingan) oliy oʻquv yurtlarida oʻqish uchun toʻlov jismoniy shaхs tomonidan mustaqil ravishda amalga oshirilganda, soliq chegirmasi Soliq kodeksining 191-193 moddalarida nazarda tutilgan tartibda davlat soliq хizmati organlariga jismoniy shaхsning jami yillik daromadi toʻgʻrisidagi deklaratsiyani topshirish yoʻli orqali berilishi mumkinligi belgilangan. Lekin ushbu shaхs imtiyozdan oʻz vaqtida foydalanmagan. Asosiy ish joyidan boshqa manbalardan qoʻshimcha daromad olmagan.