Жисмоний шахс 26 ёшга тўлмаган ўз фарзандининг таълим олиши учун тўловни 2013 йилда пластик карта орқали амалга оширган. Ўзбекистон Республикаси олий ўқув юртларида таълим олиш учун йўналтириладиган маблағларга жисмоний шахслардан олинадиган даромад солиғи бўйича имтиёзни қўллаш тартиби тўғрисидаги Низомнинг 16-бандида (АВ 27.05.2010 й. 2107-сон билан рўйхатга олинган) олий ўқув юртларида ўқиш учун тўлов жисмоний шахс томонидан мустақил равишда амалга оширилганда, солиқ чегирмаси Солиқ кодексининг 191-193 моддаларида назарда тутилган тартибда давлат солиқ хизмати органларига жисмоний шахснинг жами йиллик даромади тўғрисидаги декларацияни топшириш йўли орқали берилиши мумкинлиги белгиланган. Лекин ушбу шахс имтиёздан ўз вақтида фойдаланмаган. Асосий иш жойидан бошқа манбалардан қўшимча даромад олмаган.