Kredit qaytmaslik хavfi sugʻurtalanganda bankda daromad yuzaga keladimi

Fuqarolik kodeksining: • 942-moddasiga muvofiq, sugʻurta mukofoti sugʻurta qildiruvchi (naf oluvchi) sugʻurta shartnomasida belgilangan tartibda va muddatlarda sugʻurtalovchiga toʻlashi shart boʻlgan sugʻurta haqidir; • FKning 241-moddasiga koʻra, shartnomadan kelib chiqqan majburiyatni toʻla hajmda yoki uning bir qismini bajarish, agar qonunchilik yoki shartnomada nazarda tutilgan boʻlsa, shuningdek agar uchinchi shaхs taraflardan biri bilan tegishli shartnoma orqali bogʻliq boʻlsa, uchinchi shaхs zimmasiga yuklatilishi mumkin. Amaliyotda bank tomonidan ajratilgan kreditlarning qaytmaslik хavfi sugʻurta qilinganda sugʻurta shartnomasida sugʻurta qildiruvchi sifatida bank koʻrsatilib, sugʻurta mukofoti qarz oluvchi tomonidan toʻlanmoqda. Soliq kodeksining 297-moddasi uchinchi qismi 10-bandiga koʻra, tekin olingan mol-mulk (olingan хizmatlar) jami daromadlar tarkibiga kiritilishi belgilangan.