Tovar eksporti bilan bogʻliq xarajatlarni qoplash operatsiyasining huquqiy mohiyati

35786-savol boʻyicha qoʻshimcha savol bor. Hozirgi kunda MChJning E-Contract (YeEISVO) bazasida Rossiya korxonasi oldida 3 mln dollar kreditorlik qarzi mavjud. Ushbu mablagʻ Rossiya korxonasiga eksport qilinadigan mahsulotlarni ishlab chiqarish uchun zarur boʻlgan texnologik qoliplar (shtamplar)ni tayyorlash va ish holatiga keltirish bilan bogʻliq xarajatlarni qoplash maqsadida toʻlangan. E-Contract (YeEISVO) bazasiga xizmat koʻrinishida hujjat kiritilganligi sababli, soliq organi mutaxassislari bu operatsiyani eksport xizmati deb baholab, QQS masalasida murojaat qilmoqda. Shu bilan birga, mazkur shartnoma E-Contract (YeEISVO) bazasida eksport shartnomasi sifatida roʻyxatdan oʻtkazilgan. Hozirda kreditorlik qarzdorligi yuzaga kelganiga qariyb 3 yil boʻlayotganligi sababli, soliq organi tomonidan da’vo muddati oʻtgan qarzdorlikni daromadga olish va soliq solish masalasi koʻtarilmoqda.