Товар экспорти билан боғлиқ харажатларни қоплаш операциясининг ҳуқуқий моҳияти

35786-савол бўйича қўшимча савол бор. Ҳозирги кунда МЧЖнинг E-Contract (ЕЭИСВО) базасида Россия корхонаси олдида 3 млн доллар кредиторлик қарзи мавжуд. Ушбу маблағ Россия корхонасига экспорт қилинадиган маҳсулотларни ишлаб чиқариш учун зарур бўлган технологик қолиплар (штамплар)ни тайёрлаш ва иш ҳолатига келтириш билан боғлиқ харажатларни қоплаш мақсадида тўланган. E-Contract (ЕЭИСВО) базасига хизмат кўринишида ҳужжат киритилганлиги сабабли, солиқ органи мутахассислари бу операцияни экспорт хизмати деб баҳолаб, ҚҚС масаласида мурожаат қилмоқда. Шу билан бирга, мазкур шартнома E-Contract (ЕЭИСВО) базасида экспорт шартномаси сифатида рўйхатдан ўтказилган. Ҳозирда кредиторлик қарздорлиги юзага келганига қарийб 3 йил бўлаётганлиги сабабли, солиқ органи томонидан даъво муддати ўтган қарздорликни даромадга олиш ва солиқ солиш масаласи кўтарилмоқда.