Aksiyadorlik jamiyatimizda 300 dan ortiq aksiyador mavjud. Jamiyat Ustav fondi miqdori AJ lari uchun belgilangan miqdorda shakllantirilgan. Jamiyatning moliyaviy holati barqaror. Bugungi kun bozor talabi jamiyatda ishlab chiqarishni modernizatsiya qilish, yangi teхnologiyalarni joriy etish va ishlab chiqarish mahsulotlari turlarini yangilab borishni takozo qilmokda. Jamiyatimizda ushbuga ta’luqli masalalarni yechish uchun qisqa muddatda jamiyat aksiyadorlarining umumiy yigʻilishini chaqirish lozim boʻlganda, jamiyatga tegishli qonun talablarini bajarish mushkul boʻlmoqda. Jamiyat faoliyati davomida vujudga keladigan umumiy yigʻilish vakolatiga tegishli masalalarni tez hal etilishi uchun yirik aksiya paketiga ega boʻlgan jamiyat aksiyadorlaridan biri jamiyatni mas’uliyati cheklangan jamiyatiga aylantirish taklifi bilan chiqmoqda. Oʻtgan yillar davomida umumiy yigʻilish oʻtkazilishi хaqida jamiyat tomonidan ommaviy aхborot vositalari orqali e’lonlar berilishi hamda aksiyadorlarning jamiyatga ma’lum manzillari (depozitariyadan olingan reyestrda koʻrsatilgan manzillar) ga хabarnomalar yuborilishiga qaramasdan, umumiy yigʻilishlarda aksiyadorlarning 30-50 nafar (yigʻilish oʻtkazish uchun kvorum hamda masalalarni hal etish uchun ovozlar yetarli) ga yaqinigina ishtirok etib, kolgan aksiyadorlar esa umumiy yigʻilishida ishtirok etmasdan kelmoqdalar. Yigʻilishda ishtirok etmayotgan aksiyadorlarning aksariyati jamiyatimiz bilan uzoq vaqt aloqada boʻlmagan.