1-savol: MKning 99-moddasi 2-qismiga koʻra, хodim bilan ish beruvchi oʻrtasidagi kelishuvga binoan mehnat shartnomasi ogohlantirish muddati tugamasdan oldin ham bekor qilinishi mumkin deb koʻrsatilgan. MKning 97-moddasi 1-qism 1-bandiga asosan ham хodim va ish beruvchi oʻrtasida erishilgan kelishuvga koʻra ham nomuayyan muddatga hamda muddatli mehnat shartnomasini bekor qilish imkoniyatini beradi. Oʻz hohishiga koʻra mehnat shartnomasini bekor qilishda tomonlar faqat uni хodim tegishli ariza bergan kundan boshlab ikki hafta bekor qilishning muayyan sanasiga nisbatan kelishuvga erishadilar, bu sana ikki haftalik muddatni oʻz ichiga oladi, bu muddatdan oshib ketmaydi. MKning 97-moddasi 1-bandida esa bunday cheklov muddatga ega boʻlmasligi hamda kelishuv oʻzaro bir tomonlama rad etishga yoʻl qoʻyilmaydi. Shu bilan birga, MKning 99-moddasi 1-bandiga asosan ikki hafta oldin ish beruvchini хabardor etgan holda ariza yozib, mehnat shartnomasini bekor qilishi mumkin. MKning 99-moddasi 2-qismi va 97-moddasi 1-qism 1-bandi oʻzaro farq qilsa, mehnat shartnomasi qaysi moddaga asoslanib bekor qilinadi: MKning 99-moddasi 2-qismi yoki 97-moddasi 1-qism 1-bandimi? MKning 97-modda 1-bandida tomonlar yozma ravishda oʻzaro kelishuvi boʻlishi kerakmi? Agar 97-modda 1-bandiga asosan oʻzaro yozma kelishuvi kerak boʻlsa, MKning 99-moddasi 2-qismida nima boʻladi? Shu bilan birga, MKning 107-moddasida mehnat shartnomasi buyruq rasmiylashtirishda MKning 87, 89, 97, 100, 105 va 106-moddalari asos qilib koʻrsatilgan, biroq хodim MKning 97-modda 1-qism va 2-qismi aks etgan mazmunlar MKning 107-moddasida nazarda tutilmagan. Buyruq rasmiylashtirilayotganida qaysi modda asos qilib koʻrsatiladi? Asosni notoʻgʻri koʻrsatilishi ishga tiklash uchun sabab boʻla oladimi?