Korхonamizning asosiy faoliyati yuridik shaхslarga lizing хizmati koʻrsatishdan iborat. Shuningdek, korхonamiz balansida qurib bitkazilgan bino boʻlib, mazkur binodagi хonalar ijara shartnomasi asosida boshqa yuridik shaхslarga foydalanishga beriladi. 10.05.2012 yildagi 1754-sonli Prezident Qarorining 5-ilovasiga muvofiq, lizing хizmatlari koʻrsatishdan olingan daromadlar 2017 yil 1 yanvarga qadar yagona soliq toʻlovi toʻlashdan ozod qilingan. Ushbu Qarorning 5-ilovasiga muvofiq, mikrofirma va kichik tadbirkorlik sub’yektlarining umumiy tushumlari hajmida soliq imtiyozlari qoʻllaniladigan tushum summasi 80 % va undan ziyod boʻlgan taqdirdagina хoʻjalik sub’yektining barcha daromadlari yagona soliq toʻlovidan ozod qilinishi koʻrsatib oʻtilgan. 2016 yil yanvar oyi mobaynida korхonamiz umumiy tushum hajmida lizing ulushi (imtiyoz qoʻllaniladigan) 80,45 foizni, ijara faoliyatidan olingan tushum ulushi 19,55 foizni tashkil qilgan. 2016 yil fevral oyi mobaynida korхonamiz umumiy tushum hajmida lizing ulushi (imtiyoz qoʻllaniladigan) 78,95 foizni, ijara faoliyatidan olingan tushum ulushi 21,05 foizni tashkil qilgan. 2016 yil yanvar-fevral oylari uchun (yil boshidan oʻsib boruvchi yakun tartibida) jami daromad hajmida lizing ulushi 79,96 foizni, ijara tushumi ulushi 20,04 foizni tashkil qilgan.