Korxonamizda trikotaj mahsulotlari ishlab chiqariladi hamda tashqi bozorga eksport qilinadi. Korxona yagona soliq toʻlovchisi. Xususiy korxona yagona ta’sischidan iborat boʻlganligi sababli ta’sischiga korxona foyda soligʻi toʻlangandan qolgan sof foyda summasini dividend shaklida ta’sischiga toʻlab berilmokda. Lekin tuman soliq inspeksiyasi tomonidan ta’sischiga toʻlab berilgan dividend uchun soliq hisoblab, inkassa tartibida undirib olindi. “Xususiy korxona toʻgʻrisida”gi qonunning 24-moddasida “Xususiy korxonaning foydasi soliqlar va boshqa majburiy toʻlovlar toʻlanganidan soʻng korxona mulkdorining tasarrufiga oʻtadi hamda unga soliq solinmaydi”deb koʻrsatib oʻtilgan. “Dividend tarzidagi daromadlarni soliq solishdan ozod etish toʻgʻrisida” gi nizom (AV 10.02.2009 y. 1901-son bilan roʻyxatga olingan)ning 4 bandida jismoniy shaxslar – muassislarga dividend tarzidagi daromad toʻlaydigan mikrofirma va kichik korxonalar toʻlov manbaida soliq ushlab qolmasliklari koʻrsatib oʻtilgan.