Mehnat munosabatlari boʻyicha buzilgan huquqlarimni tiklash (ish beruvchining noqonuniy ishdan boʻshatib yuborganligi) yuzasidan ishga tiklash, majburiy progul vaqti uchun haq toʻlash va ma’naviy zarar uchun kompensatsiya undirish yuzasidan fuqarolik ishlari boʻyicha tumanlararo sudiga da’vo ariza bilan murojaat qildim. Men da’vo arizada xususiy korxona raxbari (ish beruvchi) tomonidan menga taqdim etilgan 2012-2014 yillarda hisoblangan ish haqi toʻgʻrisida ma’lumotnomaga asosan eng oxirgi 2014 yilga hisoblangan ish haqi boʻyicha ya’ni 1 110 000 soʻm boʻyicha majburiy progul vaqti 20 oyni tashkil qilgani uchun 22 200 000 soʻm (1 110 000x20) soʻm moddiy zarar, 3 yillik mexnat ta’tili uchun 3 330 000 soʻm (1 110 000 x 3) kompensatsiya va 1 110 000 soʻm ishdan boʻshatish nafaqasini undirishni soʻragan edim. Sud jarayonida fuqarolik ishlari boʻyicha tumanlararo sudining soʻrovnomasiga javoban xususiy korxona mening 2012-2014 yillari uchun oʻrtacha oylik ish haqlarim toʻgʻrisida hamda 2015 yilda korxonada huquqshunos shtati qiskarganligi sababli 2015 yil uchun boshqa ishchi xodimlarning oʻrtacha oylik ish haqi boʻyicha izoh kilib yozma ma’lumot bergan. Sud xususiy korxonaning ushbu javob xatiga tayangan holda mening foydamga majburiy progul vaqti uchun 6 642 240 soʻm (553 520 x 12) oylik ish haqi va 1 500 000 soʻm ma’naviy zararni undirishni va ilgari ish vazifasiga muqobil ish bilan ta’minlash majburiyati yuklatish toʻgʻrisida hal qiluv qarorini qabul qildi.