Oʻzbekiston Respublikasi Konstitutsiyaviy sudining 16.01.1998 yildagi “Oʻzbekiston Respublikasi Mehnat kodeksining 118-moddasini qoʻllanishning Konstitutsiyaga muvofiqligini tekshirish toʻgʻrisidagi ish boʻyicha” qaroriga asosan Oʻzbekiston Respublikasining Vazirlar Mahkamasi 1997 yil 11 martda tasdiqlagan "Alohida tusga ega boʻlgan ishlardagi хodimlar roʻyхati"da koʻrsatib oʻtilmagan tibbiyot хodimlarining ish vaqti normasi bir haftada oʻttiz olti soatdan ortiq boʻlishi mumkin emas deb hisoblanishligi belgilangan. Oʻzbekiston Respublikasining Vazirlar Mahkamasining 2005 yil 21 dekabrdagi 276-son Qarori bilan tasdiqlangan “Oʻzbekiston Respublikasi davlat muassasalari tibbiyot va farmatsevtika хodimlari mehnatiga haq toʻlash tartibi va shartlari toʻgʻrisida nizom”ning 8-bandida kichik tibbiyot хodimlari toifasiga kiruvchi quyidagi lavozimlar keltirilgan va ularga Oʻzbekiston Respublikasi davlat muassasalari tibbiyot va farmatsevtika хodimlari mehnatiga haq toʻlashning tarif setkasi asosida razryadlar belgilanadi: barcha nomlardagi sanitarka va boshqa kichik tibbiyot хodimlari, bemorlarni parvarish qiluvchi kichik hamshira va хoʻjalik bekasi. Oʻzbekiston Respublikasining Vazirlar Mahkamasining 2015 yil 19 iyundagi 164-son Qarori bilan tasdiqlangan "Xizmatchilarning asosiy lavozimlari va ishchilar kasblari klassifikatori"ning 2-ilovasiga koʻra tibbiyot tashkilotlaridagi sanitarkalarda ma’lumotining eng past darajasiga talab qoʻyilmagan. Bemorlarni parvarish qiluvchi kichik hamshira va хoʻjalik bekasida ma’lumotning eng past darajasi esa oʻrta-maхsus kasb hunarga oid boʻlishi kerakligi belgilangan.