Oʻzbekiston Respublikasi Mehnat kodeksining 80-moddasiga koʻra ishga qabul qilish vaqtida ishga kirayotgan shaxs quyidagi xujjatlarni (aslini) taqdim etishi shart: Pasport yoki uning oʻrnini bosadigan boshqa xujjat; mehnat daftarchasini; harbiy biletni yoki harbiy hisobida turganlik haqidagi guvohnomani; oliy oʻquv yurtini tamomlaganligi toʻgʻrisidagi diploni. Aniqrogʻi, fuqaro ishga kirayotgan idoraning kadrlar boʻlimi boshligʻi ushbu hujjatlarning aslini koʻrgandan keyingina xodimni ishga qabul qilish toʻgʻrisida buyruq tayyorlab, imzoga olib kirishi kerak. Xujjatning nusxasi bilan xodimni ishga qabul qilish umuman mumkin emas. OʻzR Jinoyat Kodeksining 228-moddasi soxtalashtiruvchining oʻzi yoki boshqa shaxs foydalanishi maqsadida muayyan huquq beradigan yoki muayyan majburiyatdan ozod etadigan rasmiy xujjatlar tayyorlashi yoki rasmiy xujjatlarni qalbakilashtirishi, shuningdek undan foydalanish uchun javobgarlikni koʻzda tutadi.