Bizning korxonamizda chet ellik xodimlarni berish boʻyicha xizmatlar koʻrsatish shartnomasiga asosan chet ellik xodim faoliyat yuritib kelmoqda. OʻzR SKning 306-307-moddalariga muvofiq chet el yuridik shaxsiga toʻlanadigan xizmat xaqining 90 foizini yagona ijtimoiy toʻlov boʻyicha soliq solinadigan bazaga kiritib, 25 foiz miqdorida majburiy ajratma toʻlab kelmoqdamiz. Oʻzbekiston Respublikasi xukumati bilan Koreya Respublikasi xukumati oʻrtasida 2005 yil 10-mayda imzolangan "Ijtimoiy ta’minot toʻgʻrisida"gi bitim xamda 2015 yil 28-maydan kuchga kirgan qoʻshimcha kelishuvga asosan «4.2-moddaning 1 (a) Koreya Respublikasi uchun 1 (b)-bandini qoʻllash maqsadida, ish beruvchidan undiriladigan va Oʻzbekiston Respublikasi Agentligiga oʻtkaziladigan yagona ijtimoiy toʻlovlar Koreya Respublikasi fuqarolari mehnat faoliyatidan olinadigan daromadlariga nisbatan belgilanmaydi» deb qayd qilingan.