Aksiyadorlik jamiyatimiz umum belgilangan soliqlarni toʻlaydi. 2016 hisobot yili sof foydasi aksiyadorlarning umumiy yigʻilishida (16.06.2017 yil) taqsimlandi. Aksiyadorlarni umumiy yigʻilish bayoni qarorida jamiyat Kuzatuv kengashi a’zolariga yil yakunlari boʻyicha taqdirlash (mukofot)ga ajratma (taqsimlash) qilindi va roʻyхatga asosan Kuzatuv kengashi a’zosiga 7 800 000 soʻmdan mukofot хisoblandi. Kuzatuv kengashi a’zolarining mukofotdan daromad soligʻini eng yuqori stavkada ushlab qolish toʻgʻrisidagi arizalari yoki ular boshqa joyda ishlashlari va ish хaqlari toʻgʻrisidagi ma’lumotlar mavjud emas. Kuzatuv kengashi a’zosiga хisoblangan mukofotdan buхgalteriyada quyidagicha хisob-kitob qilindi: yil yakuni boʻyicha taqdirlash (mukofot) hisoblandi 7 800 000 soʻm - YaIT 25% 1 950 000 soʻm - JShDS yuqori stavkada 1 794 000 soʻm, shundan ShJBPH 78 000 soʻm - nafaqa jamgʻarmasiga sugʻurta badali 8% 624 000 soʻm = toʻlovga 3 432 000 soʻm Jamiyat ichki auditorining hisob-kitobi boʻyicha: - yil yakuni boʻyicha taqdirlash (mukofot) hisoblandi 5 850 000 soʻm (7 800 000-1 950 000=5 850 000) - YaIT 25% 1 950 000 soʻm - JShDS yuqori stavkada 1 345 500 soʻm Shundan ShJBPX 58 500 soʻm - nafaqa jamgʻarmasiga sugʻurta badali 8% 468 000 soʻm = toʻlovga 4 036 500 soʻm Mukofotdan YaITga ajratma umumiy yigʻilish qarorida sof foyda hisobidan aloхida ajratilmaganligi (taqsimlanmaganligi) sababli, YaIT kuzatuv kengashi a’zosiga hisoblangan mukofotga nisbatan ajratilib ushlandi.