Oʻzbekiston Respublikasi rezidenti boʻlgan korxona va chet ellik xaridor korxona oʻrtasida tuzilgan eksport shartnomasi shartlariga koʻra, vakil bankka toʻlanadigan komissiya (vositachilik) toʻlovini eksporter hisobidan toʻlanishi belgilangan. Ya’ni, xaridor oʻzining valyuta toʻlov topshiriqnomasida “vakil bankning komissiya (vositachilik) toʻlovi” qismida “BEN” (oluvchi)ni belgilaydi, agar xaridor sotuvchiga shu shartda 50 000 AQSh dollari yuborsa va vakil bank 35 AQSh dollari komissiya ushlab qolsa, sotuvchiga 49 965 AQSh dollari kelib tushadi, hamda sotuvchining banki 35 AQSh dollarini hisobga olgan holda bojxonaning maxsus dasturiga kiritadi. Ayrim holatlarda, xaridor texnik xato tufayli valyuta toʻlov topshiriqnomasida “vakil bankning komissiya (vositachilik) toʻlovi” qismida “BEN” oʻrniga “SHA” (chiqish xarajatlari (toʻlovchining davlati ichidagi) komissiyani toʻlovchi, kelib tushish xarajatlari (oluvchining davlati ichidagi) komissiyani – oluvchi)ni belgilab yuborish holatlari uchramoqda.