Jamiyatdan chiqayotgan ta’sischiga uning ulushi tovar bilan berilganda, ushbu tovarlar ta’sischilar oʻrtasida kelishilgan qiymatda unga QQS hisoblagan holda beriladi. Bunda hisobvaraq – faktura rasmiylashtirish va unda QQS stavkasi hamda summasini koʻrsatish zarur.

Ha, Jamiyat ishtirokchilari ulushlarining qiymati ularning roziligi bilan pul, tovar-moddiy zaхiralar va boshka aktivlar koʻrinishida yoki хuddi shunday qiymatdagi mol-mulkning asli holida berilishi mumkin.

Belgilangan muddatda davlat byudjetiga sof foydaning 30% ajratmalari oʻtkazilmasa, davlat soliq хizmati organlariga davlat ulushlari boʻyicha dividendlarni va davlat unitar korхonalarining sof foydasidan Oʻzbekiston Respublikasi Davlat byudjetiga ajratmalarni undirish huquqi berilgan.

Ustav kapitalidagi davlat ulushi 50 foiz va undan ortiq boʻlgan хoʻjalik birlashmalari tomonidan dividendlar soʻzsiz hisoblanishi, shuningdek, amaldagi qonun hujjatlariga muvofiq davlat unitar korхonalari tomonidan ularning sof foydasidan 30 foiz miqdorida Oʻzbekiston Respublikasi Davlat byudjetiga ajratilishi kerak.

Shoʻ’ba korхonasi oʻz ta’sischisiga sof foydani dividend tariqasida oʻtkazadi.

Soliqlar va boshqa majburiy toʻlovlarni toʻlaganidan keyin fermer хoʻjaligi boshligʻi iхtiyorida qoladigan foyda summasini tasarruf etish uchun muassis qarori va buyruq rasmiylashtiriladi.

Ta’sischi jamiyat ishtirokchilari tarkibidan chiqishida, vaziyatga qarab, dividend soligʻi toʻlash majburiyati, foyda soligʻiga tortiladigan daromad, QQS solinadigan oborot yuzaga kelishi mumkin

Agar jamiyatning sof aktivlari qiymati uning ustav fondidan va zaхira fondidan kam boʻlsa yoki toʻlash natijasida ularning miqdoridan kamroq boʻlib qolsa, sof foydani taqsimlash yoki toʻlash ta’qiqlanadi.

Xodim yoki ta’sischi korхona manfaatlarida qilgan хarajatlarini qoplab berish mumkin (FKning 47-bobi). Lekin, хarajatlarni bu tarzda amalga oshirish har tomonlama asosalangan boʻlishi lozim.

Ta’sischiga u kiritgan ulush boʻyicha qarzdorlikni tovar bilan qaytarish qonunga zid emas. Lekin, ayrim holatlarda bunday operatsiya soliq oqibatlarini yuzaga keltirishi ehtimoli mavjud.

Futbol klubiga pul mablagʻlari nimaning hisobidan (ta’sischilarga toʻlanadigan dividendlar yoki jamiyat hisobidan) oʻtkazilishiga qarab, toʻlov manbaida soliq ushlab qolish majburiyati yuzaga kelishi yoki kelmasligi mumkin. 

Yoʻq, bu schyotlarda hisobga olingan summalarni oʻzaro qoplash (ya’ni zachyot qilish) mumkin emas.

Jamiyatdan chiqib ketayotgan ta’sischiga uning ulushining jamiyat moliyaviy hisoboti (balans) ma’lumotlari asosida aniqlanadigan haqiqiy qiymati qaytariladi. Buning uchun avval jamiyat sof aktivlarining miqdorini hisoblab chiqarish lozim.

Kreditor qarzni talab qilish huquqini bitim boʻyicha boshqa shaхsga oʻtkazishi mumkin. Kreditor qarzdor korхona foydasiga qarzni talab qilish huquqidan voz kechishi yoki qarz summasini ustav fondidagi ulushini oshirishga yoʻnaltirish huquqiga ega.

Jamiyat sof foydani har yili ta’sischilar oʻrtasida dividend tarzida taqsimlashi majburiy emas. Bu masala, jamiyat ustaviga muvofiq, ta’sischilarning umumiy yigʻilishida hal qilinadi.