Устав капиталидаги давлат улуши 50 фоиз ва ундан ортиқ бўлган хўжалик бирлашмалари томонидан дивидендлар сўзсиз ҳисобланиши, шунингдек, амалдаги қонун ҳужжатларига мувофиқ давлат унитар корхоналари томонидан уларнинг соф фойдасидан 30 фоиз миқдорида Ўзбекистон Республикаси Давлат бюджетига ажратилиши керак.

Шўъба корхонаси ўз таъсисчисига соф фойдани дивиденд тариқасида ўтказади.

Солиқлар ва бошқа мажбурий тўловларни тўлаганидан кейин фермер хўжалиги бошлиғи ихтиёрида қоладиган фойда суммасини тасарруф этиш учун муассис қарори ва буйруқ расмийлаштирилади.

Таъсисчи жамият иштирокчилари таркибидан чиқишида, вазиятга қараб, дивиденд солиғи тўлаш мажбурияти, фойда солиғига тортиладиган даромад, ҚҚС солинадиган оборот юзага келиши мумкин

Агар жамиятнинг соф активлари қиймати унинг устав фондидан ва захира фондидан кам бўлса ёки тўлаш натижасида уларнинг миқдоридан камроқ бўлиб қолса, соф фойдани тақсимлаш ёки тўлаш таъқиқланади.

Ходим ёки таъсисчи корхона манфаатларида қилган харажатларини қоплаб бериш мумкин (ФКнинг 47-боби). Лекин, харажатларни бу тарзда амалга ошириш ҳар томонлама асосаланган бўлиши лозим.

Таъсисчига у киритган улуш бўйича қарздорликни товар билан қайтариш қонунга зид эмас. Лекин, айрим ҳолатларда бундай операция солиқ оқибатларини юзага келтириши эҳтимоли мавжуд.

Футбол клубига пул маблағлари ниманинг ҳисобидан (таъсисчиларга тўланадиган дивидендлар ёки жамият ҳисобидан) ўтказилишига қараб, тўлов манбаида солиқ ушлаб қолиш мажбурияти юзага келиши ёки келмаслиги мумкин. 

Йўқ, бу счётларда ҳисобга олинган суммаларни ўзаро қоплаш (яъни зачёт қилиш) мумкин эмас.

Жамиятдан чиқиб кетаётган таъсисчига унинг улушининг жамият молиявий ҳисоботи (баланс) маълумотлари асосида аниқланадиган ҳақиқий қиймати қайтарилади. Бунинг учун аввал жамият соф активларининг миқдорини ҳисоблаб чиқариш лозим.

Кредитор қарзни талаб қилиш ҳуқуқини битим бўйича бошқа шахсга ўтказиши мумкин. Кредитор қарздор корхона фойдасига қарзни талаб қилиш ҳуқуқидан воз кечиши ёки қарз суммасини устав фондидаги улушини оширишга йўналтириш ҳуқуқига эга.

Жамият соф фойдани ҳар йили таъсисчилар ўртасида дивиденд тарзида тақсимлаши мажбурий эмас. Бу масала, жамият уставига мувофиқ, таъсисчиларнинг умумий йиғилишида ҳал қилинади.

Жамият таъсисчилари жамият мол-мулкини ўз улушларига мутаносиб равишда эмас, тенг миқдорда бўлиб олишга қарор қилишлари ман этилмаган. Лекин бу ҳолда солиқ тўлаш мажбуриятлари юзага келиши мумкин.

Корхона мулкдорига бўлган қарздорликни корхонанинг зарарини қоплаш учун йўналтириб бўлмайди. 87 00 счётлар гуруҳида акс эттирилган зарар суммаси фақат корхонанинг кейинги йиллардаги молиявий-хўжалик фаолиятидан олинган фойда ҳисобига қопланиши мумкин.

Ҳисобланган дивидендлардан тўлов манбаида 10 фоиз ставкада солиқ ушлаб қолинади.