Soddalashtirilgan QQS toʻlovchi korxona kiruvchi QQS summalarini hisobga olish huquqiga ega emas, bu QQS summalari tovar tannarxiga kirim qilinadi. Korxona umumbelgilangan QQS toʻlashga oʻtsa, mol yetkazib beruvchilarga toʻlangan QQS summasi tovar tannarxiga kirim qilinmaydi, balki uni hisobga olish huquqiga vujudga keladi.

Import kontraktlari boʻyicha jazo choralari qonun hujjatlarida belgilanmagan.

Kreditorlik qarzdorliklarni hisobdan chiqarishda SKning 136-moddasi, FKning 150-151-moddalariga e’tibor berish lozim.

Jamiyat boshqa shaxsning kreditorlik qarzini begʻaraz tarzda yopib berishi homiylik va xayriya yordami tarzidagi mablagʻlar hisoblanib, foyda soligʻini hisoblashda chegirilmaydigan xarajatlar sifatida tan olinadi

Yakka tartibdagi tadbirkordan 2018 yilda olingan avansni korxona 2019 yilda daromadga olishi uchun unda asos boʻluvchi hujjat boʻlishi kerak.

Avvalgi yillarda balansning valyuta moddalari qayta baholanmagan boʻlsa, joriy yil boshida taqsimlanmagan foyda schyotini oʻzgartirish orqali amalga xatolikni tuzatish mumkin.

Qoʻshimcha kelishuvni TSOYaEA tizimiga kiritish va aniqlashtirilgan soliq hisobotlarini opshirish lozim.

Kafolatlangan ta’mirlash ishlari amalga oshirilganda qilingan xarajatlar kafolatlar boʻyicha majburiyat hisoblab yozish orqali yoki toʻgʻridan-toʻgʻri moliyaviy natijalarga chiqariladi.

Majburiyat xorijiy valyutada boʻlganligi sababali, avval kurs farqlari hisoblanadi, keyin esa majburiyat hisobda chiqarilib daromadga olinadi.

Agar xizmat vazifasini bajarish uchun xodim tomonidan korxona manfaatida xarajatlar qilingan boʻlsa, ularni hisobda aks ettirish korxonada qabul qilingan tartibga yoki korxona raxbarining qaroriga bogʻliq.

Bunday holatlarda xarajatlarni xodimga qoplab berish mumkin. Biroq, ushbu xarajatlar har tomonlama asoslangan boʻlishi kerak.

Javobgar korxona sud qarorida koʻrsatilgan summadagi majburiyatni aks ettirishi lozim. Ushbu majburiyat toʻlangan avans summasi bilan yopiladi. Sud bilan bogʻliq xarajatlar davr xarajatlariga chiqariladi.

Xorijiy valyutada amalga oshirilgan operatsiyalarning hisobi 22-son BHMS hamda AVda 21.05.2004 yilda 1364-son bilan roʻyxatga olingan Nizomga muvofiq yuritiladi.

Xorijiy valyutada amalga oshiriladigan operatsiyalar hisobi 22-son BHMS hamda Adliya vazirligida 2004 yil 17 sentyabrda 1411-son bilan roʻyxatga olingan Nizomga asosan yuritiladi.

2017 yil 5 sentyabrdan boshlab Oʻzbekiston Respublikasi xududida tovar, ish va xizmatlar uchun narx va tariflar faqat milliy valyutada belgilanishi lozim.