Аввалги йилларда баланснинг валюта моддалари қайта баҳоланмаган бўлса, жорий йил бошида тақсимланмаган фойда счётини ўзгартириш орқали амалга хатоликни тузатиш мумкин.

Қўшимча келишувни ТСОЯЭА тизимига киритиш ва аниқлаштирилган солиқ ҳисоботларини опшириш лозим.

Кафолатланган таъмирлаш ишлари амалга оширилганда қилинган харажатлар кафолатлар бўйича мажбурият ҳисоблаб ёзиш орқали ёки тўғридан-тўғри молиявий натижаларга чиқарилади.

Мажбурият хорижий валютада бўлганлиги сабабали, аввал курс фарқлари ҳисобланади, кейин эса мажбурият ҳисобда чиқарилиб даромадга олинади.

Агар хизмат вазифасини бажариш учун ходим томонидан корхона манфаатида харажатлар қилинган бўлса, уларни ҳисобда акс эттириш корхонада қабул қилинган тартибга ёки корхона рахбарининг қарорига боғлиқ.

Бундай ҳолатларда харажатларни ходимга қоплаб бериш мумкин. Бироқ, ушбу харажатлар ҳар томонлама асосланган бўлиши керак.

Жавобгар корхона суд қарорида кўрсатилган суммадаги мажбуриятни акс эттириши лозим. Ушбу мажбурият тўланган аванс суммаси билан ёпилади. Суд билан боғлиқ харажатлар давр харажатларига чиқарилади.

Хорижий валютада амалга оширилган операцияларнинг ҳисоби 22-сон БҲМС ҳамда АВда 21.05.2004 йилда 1364-сон билан рўйхатга олинган Низомга мувофиқ юритилади.

Хорижий валютада амалга ошириладиган операциялар ҳисоби 22-сон БҲМС ҳамда Адлия вазирлигида 2004 йил 17 сентябрда 1411-сон билан рўйхатга олинган Низомга асосан юритилади.

2017 йил 5 сентябрдан бошлаб Ўзбекистон Республикаси худудида товар, иш ва хизматлар учун нарх ва тарифлар фақат миллий валютада белгиланиши лозим.