Paxta yigʻim-terimi boʻyicha qishloq xoʻjaligi ishlariga jalb qilinadigan jismoniy shaxslarning bu ishlarni bajarganlik uchun olgan daromadlariga JShDS solinmaydi.

Chet ellik jismoniy shaxslarning mehnatga haq toʻlash tarzidagi daromadlari JShDS va ijtimoiy soliqqa tortiladi.

YaTT oʻz faoliyatini toʻxtatlanidan keyin uning mulki oʻsha jismoniy shaxs ixtiyorida mulk huquqi asosida qoladi. Jismoniy shaxs ushbu mulkni istaganicha tasarruf etishi mumkin.

JShDS boʻyicha imtiyozlar amaldagi Soliq kodeksining 54-bobida keltirilgan.

Yoʻq, agar qarz muddati tugamagan boʻlsa, shuningdek, qarz beruvchi qarz summasidan voz kechmagan boʻlsa, ushbu summani qarz oluvchi jismoniy shaxsning daromadi deb hisoblab, unga 12% stavkada daromad soligʻi hisoblanishi notoʻgʻri.

Oziq-ovqat qiymati yoki oziq-ovqat qiymatini qoplash xodimlarning ish haqi tarzidagi daromadi hisoblanadi.

A.Avloniy nomidagi xalq ta’limi tizimi rahbar va mutaxassis xodimlarni qayta tayyorlash va malakasini oshirish institutida toʻlov-kontrakt asosida oʻqigan pedagog xodimning amalga oshirgan oʻqish uchun toʻlovlariga nisbatan JShDSdan imtiyozni qoʻllash mumkin emas.

Oʻzbekiston rezidenti boʻlmish jismoniy shaxsning foiz koʻrinishidagi daromadlari JShDSga 5% stavkada tortiladi.

Xizmat safarlari vaqtida qonun hujjatlarida belgilangan normalardan ortiqcha kundalik xarajatlar uchun haq (sutkalik pullar) mehnatga haq toʻlash tarzidagi daromadga kiritiladigan kompensatsiya toʻlovlari jumlasiga kiradi va ijtimoiy solik, JShDS, FJPTga tortiladi.

Agar siz ishga olgan xodim oxirgi 12 oy davomida jami 183 kundan koʻproq davrda haqiqatda Oʻzbekistonda boʻlgan boʻlsa, u soliq rezidenti, aks holda esa norezidentdir.

Mehnatda mayib boʻlganlik yoki sogʻliqqa boshqacha tarzda shikast yetganlik bilan bogʻliq zararning oʻrnini qoplash boʻyicha belgilangan miqdordagi toʻlovlar jismoniy shaxsning daromadi sifatida qaralmaydi va JShDSga tortilmaydi.

Xodimning statsionar va ambulator davolanish haqini yoki ularning oʻrnini qoplash qiymatini toʻlash jismoniy shaxsning moddiy naf tarzidagi daromadi hisoblanadi va JShDSga tortiladi

Agar mukofot korxonada avval ishlab pensiyaga chiqqan va hozirda ishlamaydigan pensioner shaxslarga toʻlansa, bunday toʻlov boshqa daromadlarga kiritiladi va JShDSga tortiladi.

Ha, jismoniy shaxs Oʻzbekiston Respublikasining oliy oʻquv yurtlarida oʻzining ta’lim olishi uchun yoʻnaltirgan soliq solinishi lozim boʻlgan ish haqi va boshqa daromadlariga JShDS solinmaydi, bunda talabaning yoshi boʻyicha chegaralash yoʻq.

Chet ellik jismoniy shaxsga qarz shartnomasi boʻyicha asosiy qarz summasi qaytarilganida soliq oqibatlari kelib chiqmaydi. Foizlar qaytarilganida esa soliq oqibatlari bor.