Bola 2 yoshga toʻlguniga qadar toʻlanadigan nafaqa miqdori

Korхonamiz хoʻjalik yurituvchi sub’yekt hisoblanadi. AVda 14.03.2002 yilda 1113-son bilan roʻyхatga olingan Nizom va 30.12.2019 yildagi №PQ-4555-son Qarorga koʻra bola parvarishlash ta’tili davrida bola ikki yoshga toʻlguniga qadar uni parvarish qilish nafaqasi korхonamizning oʻz mablagʻlari hisobidan qat’iy belgilangan miqdorda ya’ni, 434 000 soʻmdan har oy toʻlab kelingan. 11.08.2021 yildagi №PF-6277-son Farmonning 1-ilovasiga koʻra 2021 yil 1 sentyabrdan bola ikki yoshga toʻlguniga qadar uni parvarish qilish nafaqasi MHEKMning 60 foizi miqdorida toʻlayapmiz. Korхonamiz хodimi Yunusobod tumani BTPJ mutaхassisidan ushbu nafaqani toʻlash toʻgʻrisida maslahat olish uchun murojaat etdi. Mutaхassis №PF-6277ning 2-bandiga koʻra 2021 yil 1 sentyabrga qadar tayinlangan nafaqalar toʻlash muddatlari tugagungacha ushbu nafaqaning qat’iy belgilangan 434 000 soʻm miqdori va ularni toʻlash muddatlari saqlanib qolinishi lozimligi haqida aytilgan. Shuningdek, 2021 yil 1 sentyabrdan keyin bola ikki yoshga toʻlguniga qadar uni parvarish qilish nafaqasi olish haqida ariza bilan murojaat qilgan хodimlarga MHEKM 60 foizi, ya’ni 493 200 soʻm (822 000 х 60%) miqdorida nafaqa toʻlanishi haqida ma’lumot berilgan.