Agar jismoniy shaxslar bilan tuzilgan shartnomalarning predmeti ishlarni bajarish yoki xizmatlar koʻrsatish boʻlsa, bunday shaxslar bilan hisob-kitoblarni 6970-«Hisobdor shaxslarga qarzlar» hisobvaragʻida yuritish NSBU №21 talablariga muvofiq emas.

Xodimga oʻrtacha ish haqi hisoblanganda moliyalashtirish manbaining ahamiyati yoʻq.

Xodimga berilgan qarzlar buxgalteriya hisobida 0930 yoki 4720 schetda aks ettiriladi.

Texnologiyaning, ishlab chiqarish va mehnatni tashkil etishning oʻzgarishi sababli tashkilot xodimlarining soni yoki shtati oʻzgarganligi, ishlar (mahsulot, xizmatlar) hajmining qisqarganligi sababli mehnat shartnomasi bekor qilingan taqdirda, ish qidirish davrida oʻrtacha oylik ish haqining ishdan boʻshatish nafaqasi hisobga olingan holda, biroq koʻpi bilan ikki oyga saqlanib qolishi xodimlar uchun kafolatlanadi.

Oʻrtacha oylik ish haqi MK 257-moddasiga muvofiq hisoblanadi.

Xodim ishdan ozod etilgan xolda malakasini oshirish vaqtida toʻlangan oʻrtacha ish haqi summasi mehnat ta’tili uchun haqni hisoblashda qoʻshimcha haqlarning 1/12 qismini aniqlashda hisobga olinadimi degan savolga qonunchilikda aniq javob mavjud emas.

Xodimlarni ovqatlantirish qiymati jismoniy shaxslarning moddiy naf tarzidagi daromadlari hisoblanmaydi. Bu kompensatsion toʻlovlar boʻlib mehnatga haq toʻlash tarzidagi daromadlarga kiritiladi.

Homiladorlik va tugʻish boʻyicha nafaqaga doir joriy qarzdorlik haqidagi axborot 6710-"Mehnat haqi boʻyicha xodimlar bilan hisoblashish" schyoti krediti boʻyicha aks ettiriladi.

VMning 28.12.2019 yildagi 1046-son qarori bilan shaxsiy avtomobildan xizmat safarlari maqsadlarida foydalanganlik uchun kompensatsiya me’yori oʻzgartirilgan.