Homiladorlik va tugʻish ta’tili davri mehnat ta’tilini olish huquqini beradigan ish stajiga kiritilishi

Men maхsus maktabgacha ta’lim muassasida defektolog oʻqituvchi boʻlib ishlayman. Uzluksiz 2 yil toʻliq ishlaganman. 01.03.2023 yildan 126 kunlik homiladorlik va tugʻish ta’tiliga chiqdim. Yangi Mehnat kodeksiga koʻra oʻqituvchilarga 56 kunlik haq toʻlanadigan mehnat ta’tili beriladi. Tugʻruq ta’tili tugashi bilan haq toʻlanadigan mehnat ta’tilini olish uchun ariza berdim. Lekin buхgalter 56 kun uchun emas balki «7 oy ishlagansiz» deb 30 yoki 31 kunga haq toʻlanadigan mehnat ta’tili kunlarini hisoblab toʻlab berdi. Homiladorlik va tugʻish ta’tili mehnat ta’tili olish huquqini beradigan stajga kirmaydi dedi.