Ҳомиладорлик ва туғиш таътили даври меҳнат таътилини олиш ҳуқуқини берадиган иш стажига киритилиши

Мен махсус мактабгача таълим муассасида дефектолог ўқитувчи бўлиб ишлайман. Узлуксиз 2 йил тўлиқ ишлаганман. 01.03.2023 йилдан 126 кунлик ҳомиладорлик ва туғиш таътилига чиқдим. Янги Меҳнат кодексига кўра ўқитувчиларга 56 кунлик ҳақ тўланадиган меҳнат таътили берилади. Туғруқ таътили тугаши билан ҳақ тўланадиган меҳнат таътилини олиш учун ариза бердим. Лекин бухгалтер 56 кун учун эмас балки «7 ой ишлагансиз» деб 30 ёки 31 кунга ҳақ тўланадиган меҳнат таътили кунларини ҳисоблаб тўлаб берди. Ҳомиладорлик ва туғиш таътили меҳнат таътили олиш ҳуқуқини берадиган стажга кирмайди деди.