Xarajatlarni va tannarxni toʻgʻri shakllantirish

Sanatoriy qoshida faoliyat yuritayotgan yordamchi xoʻjalik boʻlimi tomonidan hududni obodonlashtirish, qishloq xoʻjaligi ekinlarini yetishtirish, chorvachilik va boshqa shu kabi yoʻnalishlarda amaliy ishlar bajarilmoqda. Biroq soʻnggi hisobot davrlarida yordamchi xoʻjalikdan olinayotgan qishloq xoʻjaligi va chorvachilik mahsulotlarini kirim qilish vaqtida ularning tannarxi me’yordan sezilarli darajada yuqori chiqayotganligi aniqlandi. Bunga asosiy sabab sifatida yordamchi xoʻjalik ishchilari faqatgina bevosita mahsulot yetishtirish bilan cheklanib qolmasdan, balki sanatoriyning umumiy ehtiyojlari uchun boshqa xoʻjalik ishlariga ham (obodonlashtirishning umumiy turlari, binolarni ta’mirlash yoki boshqa xizmatlar) doimiy ravishda jalb etilishi hisobga olinmayotganligidir. Natijada, ishchilarning barcha ish haqi va unga hisoblangan majburiy toʻlovlar toʻliq birgina mahsulotlar tannarxiga qoʻshilib qolmoqda.