Харажатларни ва таннархни тўғри шакллантириш

Санаторий қошида фаолият юритаётган ёрдамчи хўжалик бўлими томонидан ҳудудни ободонлаштириш, қишлоқ хўжалиги экинларини етиштириш, чорвачилик ва бошқа шу каби йўналишларда амалий ишлар бажарилмоқда. Бироқ сўнгги ҳисобот даврларида ёрдамчи хўжаликдан олинаётган қишлоқ хўжалиги ва чорвачилик маҳсулотларини кирим қилиш вақтида уларнинг таннархи меъёрдан сезиларли даражада юқори чиқаётганлиги аниқланди. Бунга асосий сабаб сифатида ёрдамчи хўжалик ишчилари фақатгина бевосита маҳсулот етиштириш билан чекланиб қолмасдан, балки санаторийнинг умумий эҳтиёжлари учун бошқа хўжалик ишларига ҳам (ободонлаштиришнинг умумий турлари, биноларни таъмирлаш ёки бошқа хизматлар) доимий равишда жалб этилиши ҳисобга олинмаётганлигидир. Натижада, ишчиларнинг барча иш ҳақи ва унга ҳисобланган мажбурий тўловлар тўлиқ биргина маҳсулотлар таннархига қўшилиб қолмоқда.