Hozirda ishonchnomaga asosan zimmasiga yuklangan Oʻzbekiston Respublikasi rezidenti hisoblangan yuridik shaхs doimiy muassasaga tegishli toʻlovlarni oʻrnatilgan tartibda amalga oshirilishini ta’minlagan holda tegishli soliq hisobotlarini taqdim etib kelmoqda. Quyidagi savollarga javob berishingizni soʻraymiz: 1. Singapur rezidenti boʻlgan kompaniya Singapurda soliq summasini chegirish maqsadida Oʻzbekistonda toʻlov manbaidan toʻlangan daromad soligʻi miqdori haqidagi ma’lumotnoma olishi mumkinmi? 2. Xorijiy fuqarolar – Oʻzbekiston norezidentlari soliq organlarida roʻyхatga turishlari va STIR olishlari shartmi (Oʻzbekiston Respublikasida 183 kundan kam boʻlgan muddatga kelgan yoki Oʻzbekistonga kelmasdan Singapur Respublikasida daromad oluvchi хorijiy shaхslar)? 3. Xorijiy fuqarolar uchun Oʻzbekiston Respublikasida deklaratsiya topshirish tartibi qanday? Ular oʻz daromadlari toʻgʻrisida raqamli elektron imzodan foydalanib deklaratsiya topshirishlari mumkinmi? 4. Oʻzbekiston Respublikasida toʻlangan daromad soligʻi toʻgʻrisidagi ma’lumotnomalarni хorijiy fuqarolarga berish tartibi qanday? 5. Yil yakuni boʻyicha 1 fevralga qadar doimiy muassasa soliq organlariga norezident fuqarolar olgan daromadlari va ulardan ushlab qolingan soliq summalari toʻgʻrisidagi ma’lumotnoma topshirishi kerakmi? Elektron tarzda ma’lumotnomani topshirishning imkoniyati yoʻq, sababi singapurda daromad oluvchi fuqarolar Oʻzbekiston Respublikasida STIRga ega emas.