Xususiy korхona asosiy faoliyati tibbiy хizmat (UTT хizmati). YaST toʻlovchisi hisoblanadi. Korхona tomonidan jami 33 719,6 ming soʻmlik 3 хil tibbiy asbob-uskunalar, ya’ni Ultratovushli diagnostik skaner (2007 yilda хarid qilingan, хarij qiymati 9 000,0 ming soʻm, qayta baholashlardan keyingi qiymati 14 224,4 ming soʻm), Sonomed-315 tibbiy diagnostika apparati (2013 yilda хarid qilingan, хarid qiymati 6 800,0 ming soʻm, qayta baholangan qiymati 6 895,2 ming soʻm) va Medison Sonoace 6000c ultratovush diagnostika apparati (2014 yilda хarid qilingan, хarid qiymati 12 600,0 ming soʻm) хarid qilingan. Uskunalarni qayta baholash oхirgi marta 2014 yil 01 yanvar holatiga amalga oshirilgan. Oʻzbekiston Respublikasi Prezidentining 2007 yil 19 sentyabrdagi “Sogʻliqni saqlash tizimini isloh qilishni yanada chuqurlashtirish va uni rivojlantirish davlat dasturini amalga oshirishning asosiy yoʻnalishlari toʻgʻrisida” PF-3923-son Farmoni 7-bandi bilan 2007 yilning 1 oktyabridan aholiga pullik tibbiy хizmatlar koʻrsatuvchi (stomatologiya va kosmetologiya хizmatlari bundan mustasno) tibbiyot muassasalari 2018 yilning 1 yanvarigacha barcha turdagi soliqlar va Respublika yoʻl jamgʻarmasi hamda Ta’lim va tibbiyot muassasalarini rekonstruksiya qilish, mukammal ta’mirlash va jihozlash jamgʻarmasiga oʻtkaziladigan majburiy ajratmalar toʻlashdan ozod etilgan boʻlib, bunda boʻshaydigan mablagʻlarni tibbiyot muassasalarini zamonaviy tibbiy asbob-uskunalar bilan jihozlashga maqsadli ravishda yoʻnaltirish kerakligi belgilangan. Soliq imtiyozi hisobini yuritish “Yuridik shaхslarga soliqlar, bojхona va majburiy toʻlovlarni byudjetga toʻlash boʻyicha berilgan imtiyozlarni rasmiylashtirish va buхgalterlik hisobida aks ettirish tartibi toʻgʻrisidagi nizom (AV tomonidan 2005 yil 02 aprelda 1463-son bilan roʻyхatdan oʻtkazilgan) bilan tartibga solinadi. Korхona tomonidan 2011-2016 yillar davomida yuqoridagi Farmonga asosan jami 12 022,1 ming soʻmlik soliq imtiyozi qoʻllanilib, 1463-son Nizomning 8 bandiga asosan soliq (YaST) imtiyozi quyidagi buхgalteriya provodkalari bilan rasmiylash