Сизда экспорт ҳар хил валютада амалга оширилганлиги сабабли, ҚҚС ҳисоботи 2 иловасининг изоҳ қисмида (жадвалдан пастда) кўрсатилгандай, 0411 ва 0412 сатрлар сўмда тўлдирилади.

Ҳа, товарлар таннархидан ёки товарлар олинган нархдан паст нархларда реализация қилинган тақдирда солиқ солиш мақсадлари учун солиқ солинадиган база товарларнинг таннархидан ёки товарлар олинган нархдан келиб чиқиб белгиланади. (2 абзац, 204- модда, СК).

Агар ҚҚС солинадиган ва солинмайдиган товарлар бўйича битта ҳисобварақ-фактура чиқарилган бўлса, Реестрнинг 6-устунида ҚҚСга тортилган товар суммаси ҚҚСсиз, 7-устунида у бўйича ҚҚС суммаси кўрсатилади.

Умумий овқатланиш корхоналарида алкоголли маҳсулотларни сотиш ҳуқуқини берувчи рухсат гувоҳномаси асосида алкоголли маҳсулотлар сотишдан тушумга умумий овқатланиш корхоналари учун белгиланган 8 фоизлик ставкада ЯСТ солинади.

ҚҚС ажратиб кўрсатилган счёт-фактура ва уни ўрнини босувчи ҳужжатларнинг ҳаммасини, қанақа оборотларда ишлатилишидан қатьий назар, ҚҚС ҳисоб-китобининг 4-иловасида акс эттиринг.

Таннархидан паст нахда сотилган маҳсулот бўйича маълумот ҚҚС ҳисоботининг 0103-сатрида акс эттирилади. Лекин ушбу қоида ҚҚСдан озод этилган оборотларга тадбиқ этилмайди.