Технологиянинг, ишлаб чиқариш ва меҳнатни ташкил этишнинг ўзгариши сабабли ташкилот ходимларининг сони ёки штати ўзгарганлиги, ишлар (маҳсулот, хизматлар) ҳажмининг қисқарганлиги сабабли меҳнат шартномаси бекор қилинган тақдирда, иш қидириш даврида ўртача ойлик иш ҳақининг ишдан бўшатиш нафақаси ҳисобга олинган ҳолда, бироқ кўпи билан икки ойга сақланиб қолиши ходимлар учун кафолатланади.

Ўртача ойлик иш ҳақи МК 257-моддасига мувофиқ ҳисобланади.

Ходим ишдан озод этилган холда малакасини ошириш вақтида тўланган ўртача иш ҳақи суммаси меҳнат таътили учун ҳақни ҳисоблашда қўшимча ҳақларнинг 1/12 қисмини аниқлашда ҳисобга олинадими деган саволга қонунчиликда аниқ жавоб мавжуд эмас.

Ходимларни овқатлантириш қиймати жисмоний шахсларнинг моддий наф тарзидаги даромадлари ҳисобланмайди. Бу компенсацион тўловлар бўлиб меҳнатга ҳақ тўлаш тарзидаги даромадларга киритилади.

Ҳомиладорлик ва туғиш бўйича нафақага доир жорий қарздорлик ҳақидаги ахборот 6710-"Меҳнат ҳақи бўйича ходимлар билан ҳисоблашиш" счёти кредити бўйича акс эттирилади.

ВМнинг 28.12.2019 йилдаги 1046-сон қарори билан шахсий автомобилдан хизмат сафарлари мақсадларида фойдаланганлик учун компенсация меъёри ўзгартирилган.