Tovarlarni yuridik shaxsning ustav fondiga (ustav kapitaliga) hissa sifatida berish tovarlarni realizatsiya qilish aylanmasi hisoblanadi va QQSga tortiladi. Bunda QQS summasi ajratib koʻrsatilgan EHF rasmiylashtirilishi shart.

Hozirgi kunda bu texnik jihatdan imkonsiz - QQS toʻlovchisi qaysi davr uchun EHF shakllantirmasin, unda QQS ajratib koʻrsatiladi. Muammoni hal etish uchun Soliq qoʻmitasiga murojaat qilishingizni maslahat beramiz.

NKM chekining shakllantirilishiga doir qoidalar va NKMning sozlamalarining asosida ham hisoblab yozish tamoyili yotadi.

Vaqtinchalik saqlashga berilgan tovar qandaydir haq olish evaziga berilmaganligi sabali, bu xolat realizatsiya boʻlmaydi.

Siz ijtimoiy buyurtmani amalga oshirayotgan boʻlishingiz mumkin, lekin haq evaziga xizmat koʻrsatar ekansiz, bu tadbirkorlik faoliyatidir. Bunda EHF taqdim etilishi shart.

Qonunchilikda QQS toʻlovchisi guvohnomasi nofaol boʻlgan xaridorga EHF yuborish ta’qiqlanmagan.

Dori vositalari va tibbiy buyumlarni chakana realizatsiya qilishda nazorat kassa-mashinasi hamda toʻlov terminallaridan foydalanish talablariga rioya etish – litsenziya shartlaridan biridir.

Mazkur holatda siz soliq toʻlovchining shaxsiy kabineti (https://my3.soliq.uz/) orqali “Onlayn-NKT ma’lumotlari” xizmati orqali oy davomi urilgan cheklarni tekshirib chiqishingiz kerak.

VMQ qonunosti hujjati boʻlib, uning me’yorlari haqidagi savolingizga rasmiy sharh olish uchun bevosita VMQga murojaat qilishingiz mumkin.

Mazkur holatda EHFda lizingga berilayotgan texnologik asbob-uskuna MXIKi koʻrsatiladi.

Qonunchilikda tovar xaridorga qoʻlda koʻtarib yetkazib berilganida ETTYuX rasmiylashtirilishi koʻzda tutilmagan.

Tovarlar eksporti boʻyicha bojxona yuk deklaratsiyalari rasmiylashtirilganda hisobvaraq-faktura taqdim etilishi shart emas.

Qurilish-ta’mirlash ishlari tugatilgach, pudratchi tomonidan buyurtmachiga Bajarilgan ishlar (qilingan xarajatlar) toʻgʻrisidagi Ma’lumotnoma-hisobvaraq-faktura taqdim etiladi. Bu EHFdan farqli hujjatdir.

Moliyaviy chegirma berilganida - mazkur holatlar roʻy bergan sanada chegirma summasiga (manfiy belgi bilan) qoʻshimcha hisobvaraq-faktura rasmiylashtiriladi va taqdim etiladi.

ETTYuX  korporativ karta orqali  xarid qilingan va yuk transportida joʻnatilgan mahsulotga  rasmiylashtiriladi.