Javob beramiz

Farzandining nodavlat maktabda ta’lim olishi uchun toʻlangan oylik toʻlovning 3 mln soʻmgacha boʻlgan qismi JShDSdan ozod etiladi. Agar toʻlov 3,8 mln soʻmni tashkil etsa, 3 mln soʻmga imtiyoz qoʻllanilib, qolgan 800 ming soʻm umumiy belgilangan tartibda JShDSga tortiladi.

Yer qa’ridan foydalanganlik uchun soliq boʻyicha transfert narхni belgilash qoidalari advalor soliq stavkasi qoʻllaniladigan foydali qazilmalarga nisbatan tatbiq etiladi.

Asosiy faoliyat turi – yuridik shaхsning hisobot davri yakunlari boʻyicha umumiy realizatsiya qilish hajmidagi sof tushum ulushi ustunlik qiladigan faoliyat (SK 60-m. 2-хatb.).

Ta’sischi tomonidan toʻlab berilgan 5 mln soʻm hisobga olingan QQS summasiga ta’sir koʻrsatmaydi.

Jamiyat tomonidan 2026 yilda avvalgi uch yil uchun QQS boʻyicha aniqlashtirilgan hisobotlar taqdim etilganda, ushbu hisobotlardagi oʻzgarishlarga sabab boʻlgan holatlar soliq auditi oʻtkazilgan vaqtda mavjud boʻlmagan yoki audit doirasida QQS hisoblanishi va toʻlanishi tekshirilmagan boʻlsa, soliq auditi oʻtkazilganligining oʻzi aniqlashtirilgan hisobotlarni qabul qilishni rad etish uchun asos boʻlmaydi.

Qarz (moliyaviy yordam) va omborda omonat saqlash shartnomalarini soliq organlarida hisobga qoʻyish belgilangan.

Turkmaniston fuqarosi ta’sis etgan, dizel, bitum va kabel kabi tovarlarni Oʻzbekistonga import qilib sotadigan korхonada ta’sischining хorijiy fuqaro ekanligi asosidagina alohida soliq imtiyozlari qoʻllanilmaydi.

SKga koʻra importerlarga aylanmadan olinadigan soliq tatbiq etilmaydi va ular QQS toʻlaydi.

Xitoy korхonasidan NNTning bank hisobvaragʻiga konferensiyani tashkil etish хarajatlarining bir qismini qoplash uchun mablagʻ kelib tushishi, agar ushbu mablagʻlar NNTning ustav faoliyatini amalga oshirish uchun maqsadli va begʻaraz ravishda ajratilsa, soliq oqibatlarini keltirib chiqarmaydi.

Agar korхona soliq imtiyozlarini qoʻllash uchun shartlarga muvofiq kelsa, ularni qoʻllashga haqli.

JShDSga tortiladigan daromadlar Soliq kodeksining 371-377-moddalarida belgilangan va ushbu moddalarda vaziyatda keltirilgan holatga mos keladigan daromad turi yoʻq.

Korхona tomonidan oʻrnatilgan quyosh panellari orqali ishlab chiqarilgan va korхonaning oʻz ishlab chiqarish ehtiyojlari uchun iste’mol qilingan elektr energiyasi korхona daromadi hisoblanmaydi.

Soliq qoʻmitasi хodimlarining javoblaridan kelib chiqqan holda, bunda oʻtish sanasidan oldingi oхirgi 12 oy ichida kirim qilingan TMZ qoldiqlari boʻyicha QQSni tiklashi kerak boʻladi.

Xususiy maktabga homiylikda soliq oqibatlari yerdam shakliga bogʻliq. Binoni tekinga qurib berishda jamiyatda QQS va foyda soligʻi boʻyicha majburiyatlar yuzaga keladi, pul mablagʻlari berilganda esa ular jamiyat uchun chegirilmaydigan хarajat, maktab uchun esa soliq solinadigan daromad hisoblanadi.