Жавоб берамиз

Фарзандининг нодавлат мактабда таълим олиши учун тўланган ойлик тўловнинг 3 млн сўмгача бўлган қисми ЖШДСдан озод этилади. Агар тўлов 3,8 млн сўмни ташкил этса, 3 млн сўмга имтиёз қўлланилиб, қолган 800 минг сўм умумий белгиланган тартибда ЖШДСга тортилади.

Ер қаъридан фойдаланганлик учун солиқ бўйича трансферт нархни белгилаш қоидалари адвалор солиқ ставкаси қўлланиладиган фойдали қазилмаларга нисбатан татбиқ этилади.

Асосий фаолият тури – юридик шахснинг ҳисобот даври якунлари бўйича умумий реализация қилиш ҳажмидаги соф тушум улуши устунлик қиладиган фаолият (СК 60-м. 2-хатб.).

Таъсисчи томонидан тўлаб берилган 5 млн сўм ҳисобга олинган ҚҚС суммасига таъсир кўрсатмайди.

Жамият томонидан 2026 йилда аввалги уч йил учун ҚҚС бўйича аниқлаштирилган ҳисоботлар тақдим этилганда, ушбу ҳисоботлардаги ўзгаришларга сабаб бўлган ҳолатлар солиқ аудити ўтказилган вақтда мавжуд бўлмаган ёки аудит доирасида ҚҚС ҳисобланиши ва тўланиши текширилмаган бўлса, солиқ аудити ўтказилганлигининг ўзи аниқлаштирилган ҳисоботларни қабул қилишни рад этиш учун асос бўлмайди.

Қарз (молиявий ёрдам) ва омборда омонат сақлаш шартномаларини солиқ органларида ҳисобга қўйиш белгиланган.

Туркманистон фуқароси таъсис этган, дизель, битум ва кабель каби товарларни Ўзбекистонга импорт қилиб сотадиган корхонада таъсисчининг хорижий фуқаро эканлиги асосидагина алоҳида солиқ имтиёзлари қўлланилмайди.

СКга кўра импортерларга айланмадан олинадиган солиқ татбиқ этилмайди ва улар ҚҚС тўлайди.

Хитой корхонасидан ННТнинг банк ҳисобварағига конференцияни ташкил этиш харажатларининг бир қисмини қоплаш учун маблағ келиб тушиши, агар ушбу маблағлар ННТнинг устав фаолиятини амалга ошириш учун мақсадли ва беғараз равишда ажратилса, солиқ оқибатларини келтириб чиқармайди.

Агар корхона солиқ имтиёзларини қўллаш учун шартларга мувофиқ келса, уларни қўллашга ҳақли.

ЖШДСга тортиладиган даромадлар Солиқ кодексининг 371-377-моддаларида белгиланган ва ушбу моддаларда вазиятда келтирилган ҳолатга мос келадиган даромад тури йўқ.

Корхона томонидан ўрнатилган қуёш панеллари орқали ишлаб чиқарилган ва корхонанинг ўз ишлаб чиқариш эҳтиёжлари учун истеъмол қилинган электр энергияси корхона даромади ҳисобланмайди.

Солиқ қўмитаси ходимларининг жавобларидан келиб чиққан ҳолда, бунда ўтиш санасидан олдинги охирги 12 ой ичида кирим қилинган ТМЗ қолдиқлари бўйича ҚҚСни тиклаши керак бўлади.

Хусусий мактабга ҳомийликда солиқ оқибатлари ердам шаклига боғлиқ. Бинони текинга қуриб беришда жамиятда ҚҚС ва фойда солиғи бўйича мажбуриятлар юзага келади, пул маблағлари берилганда эса улар жамият учун чегирилмайдиган харажат, мактаб учун эса солиқ солинадиган даромад ҳисобланади.